Opraštam, Mladen Hinić, reblogirano, Нека Ви е простено, Херр Момо.

Нека им е простено.

На сите за се.

Па и на мене.

Па и на сите што грешеле кон мене.

Грев ли е? … кога некое пиленце штотуку испилено,со гола кожичка, со дрлки околу очите штотуку прогледано и уште пред да замавне со крилјата вие со два прста да му го држите крилцето и да не му дозволувате, …да се поигрувате со неговото стартување….да го набљудувате како се мачи да полета и штом ќе биде близу да се одкорне од вашите прсти, посилно да стиснете и восебе да ликувате колку сте силни.

Грев е. Нека им е простено на сопнувачите.

Грев ли е? …еднодневно маче оделено од цицето на мајка си,  па уште и во вреќа врзано скоро да се задуши, фрлено во река, или да снема здив, или да се наголта вода ама не колку е жедно, туку да го преполни стомачето занавек.

Грев е. Нека им е простено на бездушните.

Грев ли е? …да јавате едно шугаво магаре, ненахрането со денови, што коски можете да му ги броите, и уште згора на тоа што го јавате со нозете да го клоцате во слабините и да му се дерете: ајде, ајдее, ѓихаа …

Грев е. Нека им е простено на експлоататорите.

Грев ли е едно кутре што го згазило некое авто и што шепа со едната нога и квицка од болки да му шутнате клоца, да не се мотка околу вашите нозе, можеби има болви.

Нека им е простено на невдомувачите.

Грев ли е? Една овчичка затоа што е црна да ја оставите надвор од трлото и да нагостите некој волк, … или орел да ја полета кон небото па да ја разбие од карпа.

Грев е. Нека им е простено на душманите.

Луѓе нелуѓе, бездушни, безлични, дволични, тролични, со лица како бојата на виножитото,  како камелеони, со маски како од театар, со душа како зрно просо, со его како Мургашки рид, непросветлени, што ни Ивица и Марица не ја прочитале, …, … нека ви е простено на сите.

Ние сопнатите пак ќе се одсопнеме, пак ќе врвиме по патот свој, трнлив нетрнлив, кривудав и стрмен нека е, каменот Сизифов ќе си го истуркаме докрај.

Младене, Ти благодарам за Твојот преубав блог кој ме инспирираше да ги напишам овие редови.

Ве поздравува, Херр Момо.